Teithiau Eraill a Manylion Pellach

Dringo dan do. Pob nos Wener cynta’r mis bydd rhai o aelodau’r Clwb yn ymgynnull yng nghanolfan dringo dan do y Beacon. Mae’r nosweithiau yn addas i ddechreuwyr neu i’r rhai sydd yn dymuno gwella eu sgiliau dringo.
Os oes ganddoch ddiddordeb, yna cysylltwch â Gwyn Roberts ar 01286 870534, Arwel Roberts ar 01492 514424 neu Anita Daimond ar 01492 600414.

Dringo gyda’r nos. Bydd dringo ar greigiau tu allan gyda’r nos yn Ogwen yn cychwyn o ddydd Iau cyntaf mis Mai ymlaen. Cyfarfod yng Nghaffi Ogwen. Cysylltwch ag Arwel Roberts ar 01492 514 424, Arwelgwydyr@aol.com ac i gael eich cynnwys ar restr ebostio dringo.

Nepal. Mae Padam, brawd Kamal, wedi cyrraedd Beddgelert ac yn aros hefo Sheilagh a Ron uwchben y Bistro tan ddiwedd Medi / dechrau Hydref. Os oes rhywun hefo diddordeb mynd i Nepal, cysylltwch hefo Morfudd Thomas ac fe drefnith i chi gyfarfod â Phadam i’ch helpu hefo unrhyw drefniadau. Tydi Morfudd ddim yn bwriadu mynd y tro yma. Ffoniwch hi ar 01248 670 067 neu ebostio morfuddelen@yahoo.co.uk

Criw dydd Mercher (ag eraill!!!). Os oes unrhyw un yn awyddus i fynd am dro unrhyw bryd yn ystod yr haf (yn enwedig yn ardal Ardudwy!), cysylltwch â Haf Meredydd (01766 514774, hafm@hmeredydd.freeserve.co.uk). Un enghraifft fyddai taith brynhawn o Borthmadog ar y trên i Ardudwy, crwydro am rhyw bedair awr, yna swper cyn dal y trên yn ôl.

DIWRNOD BLASU • Hydref 10fed, 2009
Mae’n fwriad gan y Clwb gynnal cyfres o weithgareddau awyr agored amrywiol ar y dyddiad uchod gyda’r bwriad o gynnig sesiynnau blasu i ddarpar aelodau mewn ardaloedd ledled y wlad.
Yn y De mi fydd na deithiau yn y Bannau dwyreiniol a’r Bannau gorllewinol. Cyswllt – Rhys Dafis.
Yn y Gogledd orllewin mi fydd na daith yn ardal Ogwen. I’w threfnu.
Yn y Gogledd ddwyrain mae na daith eisoes wedi ei threfnu ar y Berwyn. Cyswllt – Gareth Roberts.
Yn y Canolbarth fe drefnir taith. Cyswllt – Iolo ap Gwynn.
Yn ardal Ogwen mi fydd na gyfle i ddringo a sgramblo. Cyswllt – Jeremy Trumper.
Yn Eryri mi fydd na gyfle i fowldro. Cyswllt – Nia Williams.
Bydd manylion llawn ar gael ar yma ar wefan y Clwb ac ar y stondin Mynydda ar faes yr Eisteddfod yn Y Bala.

WYTHNOS HANNER TYMOR • Hydref 24ain – Tachwedd 1af, 2009
Cyfle i fynydda a cherdded ar yr Ynys Werdd. Croesi ar y Sadwrn o Gaergybi a theithio i Donegal (Dun na nGall). 3 noson mewn hostel yno; yna 3 noson mewn cabannau yn ardal Portrush (Giant’s Causeway, y Sperrin a Glens Antrim) yna 2 noson yn Newcastle yn ardal Mynyddoedd Mourne.
Mae angen blaendal o £100 erbyn Medi 1af.
Sieciau’n daladwy i Clwb Mynydda Cymru.
Enwau, Cyfeiriad, Rhif Ffôn a Chyfeiriad e-bost, gyda arian i:
Clive James, Hafan, Caeathro, Caernarfon, Gwynedd LL55 2SS erbyn Medi 1af 2009.