Newyddion ayyb.
Sadwrn 15 Tachwedd
Cyfarfod Blynyddol, Gwesty’r Royal Oak, Betws y Coed
Dogfennau perthnasol (Cliciwch arnynt i'w lawr-lwytho):
Rhaglen Cyfarfod Blynyddol 2025
Cofnodion Cyfarfod Blynyddol 2024
Adroddiad Ysgrifennydd Cyffredinol
Adroddiad y Trysorydd
Datganiad Cyfrifon
Adroddiad Ysgrifennydd Gweithgareddau
Adroddiad Ysgrifennydd y Wefan
Yr Alban, 2026
Mae Keith Roberts wedi trefnu dwy daith i'r Alban yn ystod 2026, y naill i Crianlarich rhwng 7-14 Mawrth a'r llall i dref hyfryd Ullapool 9-16 Mai. Byddan ni'n rhannu mwy o fanylion am y teithiau hyn yn fuan ond dyma gyfle i chi roi'r dyddiadau yn eich calendr.
TAITH AEAF YR ALBAN 2026, Sadwrn y 7fed - Sadwrn y 14eg Mawrth
Am y pumed flwyddyn yn olynol, gwesty’r Crianlarich fydd llety’r clwb unwaith eto ar gyfer wythnos o fynydda gaeaf yn yr Alban. Mae’r daith ‘chydig yn hwyrach unwaith eto i fanteisio ar ddyddiau hirach a chan obeithio bod y tymor gaeafol/eira yn dal i ymestyn i fis Mawrth!
I’r aelodau sydd heb fod yn yr ardal, mae pentref Crianlarich yn ganolfan hwylus iawn ar gyfer nifer fawr o fynyddoedd dros 3,000’ (914 m) ac mae llawer iawn o lwybrau cerdded tir isel yn gyfleus hefyd, er enghraifft, y West Highland Way. Mae’r daith yma yn gyfle gwych i unrhyw aelod sydd â diddordeb cychwyn ar y gamp o gyrraedd copaon y 282 Munro. Am fwy o wybodaeth dilynwch y ddolen ganlynol themunrosociety.com
Y Gwesty Crianalarich. crianlarich-hotel.co.uk
Mae'r gost isod yn cynnwys gwely mewn ystafelloedd moethus, brecwast sawl cwrs a phryd gyda’r nos. Yn ogystal â bwydlen a la carte arferol, mae’r gwesty’n cynnig nosweithiau pitsa, byrgyr(s), a noson cyri.
Nid oes unrhyw ystafelloedd sengl ar gael a bydd tâl ychwanegol o £25 y pen y noson i rai sydd eisiau ystafell ddwbl iddyn nhw eu hunain (Single Supplement).
Mae’r prisiau isod yn unigryw i Glwb Mynydda Cymru, a gofynnir i bob aelod sy’n dymuno dod ar y daith archebu lle drwy gysylltu â Keith Roberts (gweler manylion cyswllt isod).
Prisiau ystafelloedd:
Ystafell ddwbl (cysgu 2 mewn 1 gwely dwbl) - £78 y pen y noson.
£156 y cwpl y noson. (18 ystafell ar gael) (£1,092 y cwpl am 7 noson)
Ystafell ddwbl i 1. (cysgu 1 mewn 1 gwely dwbl) - £78 y pen y noson + £25 y pen.
£103 y person y noson. (18 ystafell ar gael) (£721 y person am 7 noson)
Ystafell i Dri (cysgu 3 mewn 3 gwely sengl) - £78 y pen y noson.
£234 am 3 y noson. (1 ystafell ar gael) (£546 y person am 7 noson)
Ystafell Twin (cysgu 2 mewn 2 wely sengl) - £78 y pen y noson.
£156 am 2 y noson. (7 ystafell ar gael) (£546 y person am 7 noson)
Er mwyn bod yn sicr o le, mae blaendal o 50% yn ddyledus ddim hwyrach na dydd Llun y 1af o Ragfyr 2025 a gweddill y taliad erbyn dydd Llun yr 2il o Chwefror 2026.
Ni ellir gwarantu y bydd ystafelloedd ar gael am y pris arbennig yma i'r Clwb wedi hynny.
I gadarnhau lle. Cysylltwch â Keith ar geaf2026cmc@outlook.com yn unig.
Bydd angen i bawb dalu’r blaendal ac yna’r cyfanswm yn syth i gyfrif banc y Clwb gan ddefnyddio’r manylion yma:
Banc: HSBC
Enw’r cyfrif: Clwb Mynydda Cymru
Côd didoli: 40-09-03
Rhif y cyfrif: 51092138
Cyfeirnod i’w ddyfynnu: ALBAN + ENW’R AELOD
Nodwch eich enw fel cyfeirnod wrth wneud y taliad a danfonwch ebost at Dilys Phillips (Trysorydd yr clwb) ar craflwyn2@gmail.com ac i Keith ar geaf2026cmc@outlook.com gan nodi’r canlynol:
- Eich enw llawn
- Yr math o ystafell rydych yn dymuno ei chael.
- Sawl noson rydych yn dymuno aros.
Pwyntiau iw nodi –
- Mae’n rhaid bod yn aelod llawn o Glwb Mynydda Cymru i fynychu’r daith.
- Trefnwch yswiriant gwyliau. Rhag ofn i unrhyw aelod a fydd yn mynychu'r daith orfod tynnu yn ôl am ba bynnag reswm. Ni fydd y Clwb yn medru gwneud unrhyw ad-daliad i aelodau sy’n methu dod ar y daith.
Mae teithiau’r clwb i’r Alban yn cynnig cyfle i’r rheiny sydd heb brofiad o fynydda mewn amodau gaeaf i roi cynnig arni – er bod amgylchiadau delfrydol o eira caled yn mynd yn fwy prin yn yr Alban hefyd. Rhaid bod yn barod i wynebu amodau heriol os am fentro tua’r copaoan ac mae caib rhew, pigau bach (spiderpick crampons) a phigau mawr (cramponau mawr) ac esgidiau cryfion pwrpasol yn hanfodol yn ogystal â’r math o ddillad gaeaf a fydd eu hangen ar gyfer tywydd gwael yng Nghymru.
Mae cryn ddiddordeb wedi ei ddangos eisoes, felly gorau po gyntaf i chi ddod i benderfyniad a chysylltu â Keith. Y cyntaf i’r felin …
Râs Cefn y Ddraig a chan copa Cymru
Llongyfarchiadau i Guto Evans am gwbwlhau Râs Cefn y Ddraig yn ddiweddar - râs ultra 380 km chwe niwrnod dros fynyddoedd Cymru o’r gogledd i’r de.
Llongyfarchiadau hefyd i Sioned Llew am ddringo ei chanfed copa yng Nghymru yn ddiweddar.
Llyfr Newydd
Fersiwn newydd o'r llyfr a gyhoeddwyd gyntaf ym 1999, flwyddyn ar ôl y fersiwn Cymraeg gwreiddiol Cant Cymru.
https://www.ylolfa.com/cynnyrch/9781800996557/the-welsh-one-hundred-challenge-walks-to-the-100-highest-summits-in-wales
Llongyfarchiadau i Dwynwen a Gerallt am gyflawni'r daith o Munchen (Munich) i Fenis.
Llongyfarchiadau i Catrin Jones, Glasgow ar gwblhau'r gamp o ddringo pob Munro. Tybed be ydy 'chip off the old block' yn Gymraeg?
Darlith Goffa Llew Gwent gan Gerallt Pennant yn yr Eisteddfod Genedlaethol 2024
I'r rhai na lwyddodd i ddod i'r Eisteddfod, mae recordiad o ddarlith erallt Pennant yn awr r gael ar You Tube
https://youtu.be/P8T9ULvw_iM?si=Vxc2QMG6QdK3bI-Q
Neges gan Eryl Owain
Rwyf wedi llunio rhestr ddrafft o enwau Cymraeg ar gyfer amrywiol nodweddion ardaloedd y Glyderau a’r Wyddfa. Un ffynhonnell a ddefnyddiais oedd cyfrif Facebook Eryri Wen – cannoedd o enwau wedi eu casglu gan Eilian Williams o Nantperis.
Byddwn yn falch iawn o gael eich ymateb; unrhyw sylwadau, cywiriadau neu ychwanegiadau.
Mae gennyf ddau nod mewn golwg. Yn gyntaf, ein bod fel clwb yn gallu cytuno ar restr o enwau ar gyfer mapiau’r Arolwg Ordnans a fyddai’n disodli’r rhai Saesneg a ddefnyddir ac, efallai, ambell ychwanegiad. Wrth gwrs, mae pen draw i ychwanegu gan na ellir cynnwys pob enw posib! Gallem wedyn gyflwyno hynny fel tystiolaeth i’r AO gan gysylltu hefyd efo cyrff megis Cynghorau Sir Gwynedd a Chonwy, Awdurdod y Parc Cenedlaethol, y Cyngor Mynydda Prydeinig, Yr Urdd i’w cael hwythau i argymell y rhestr.
Yn ail, bod gennym restr ehangach yn cynnwys enwau na fyddent o reidrwydd ar fap fel bod yr enwau hynny’n cael eu cofnodi a’n bod yn codi ymwybyddiaeth ymysg ein haelodau ac yn rhannu’r enwau (neu rhai beth bynnag) efo’r Urdd, darparwyr gweithgareddau awyr agored ac ati.
Efallai mai un ffordd ymlaen fyddai sefydlu ‘grŵp trafod’ o blith ein haelodau; cysylltwch â mi os gwelwch yn dda pe byddai diddordeb gennych mewn bod yn rhan o hyn.
erylowain@gmail.com neu 07548 790583 / 01690 760335
Llawer o ddiolch
Llongyfarchiadau i Matthew Williams ac Owain Evans, aelodau o'r Clwb, ynghyd â'u ffrind Rhys Owain Cross am gyrraedd copa Mont Blanc. Tipyn o gamp. Os ydach chi eisiau eu llongyfarch wyneb yn wyneb, bydd Matthew ac Owain yn arwain teithiau'r Clwb ar y 5ed a'r 12ed o Hydref.
Llongyfarchiadau mawr i Gerallt Pennant wrth iddo ddathlu esgyn pob Munro. Cwblhaodd Gerallt y gamp ar gopa Buachaille Etive Beag, Glencoe yng nghwmni aelodau eraill o’r Clwb sy’ wrthi’n mwynhau’r daith flynyddol i’r Alban.
Mae rhaglen o fi Medi i Rhagfyr yn awr ar gael. Mae'r teithiau wedi eu graddio, fell modd i aelodau asesu os yw'r daith yn addas ar eu cyfer. Defnyddir lliwiau i nodi'r graddau (o 1 i 5).
Y Bartneriaeth Awyr Agored.
Dros nifer o flynyddoedd, mae llawer o aelodau'r Clwb wedi manteisio ar gyrsiau mynydda a gynhelir dan nawdd y Bartneriaeth. Os oes gennych ddiddordeb mynychu cwrs/cyrsiau o'r fath, dyma'r camau i'w cymryd:
- ystyried be ydy'ch anghenion chi, e.e. mordwyo cymorth cyntaf ac ati
- cysylltu â'r Bartneriaeth - https://partneriaeth-awyr-agored.co.uk/contact - i weld be maen nhw'n gallu'i gynnig
- bydd y bartneriaeth yn cynnig rhestr o ddarparwyr cydanbyddedig
- cysylltu â Raymond Griffiths, Clwb Mynydda Cymru - rbryngolau@aol.com - y fo sy'n gyfrifol am brosesu ceisiadau ar ran aelodau'r Clwb.
Cyfarwyddiadau defnyddio offer 'diffib'
Mae offer 'diffib' yn cael ei gario gan arweinydd pob taith Clwb Mynydda Cymru. Cyfarwyddid ar gyfer ei ddefnyddio ar gael YMA
Bydd llawer ohonoch yn gwybod eisoes am y llyfr gwych gan Dewi Prysor sydd newydd ei gyhoeddi gan Y Lolfa (£19.99), a'r rhai lwcus wedi derbyn copi yn eu hosan 'Dolig. Cawn ei hanes yn dringo 100 o'r copaon uchaf gan roi peth gwybodaeth gefndirol diddorol a rhannu ei brofiad personol o wneud hynny. Mae ynddo luniau arbennig iawn a phob un wedi eu tynnu gan yr awdur ei hun; mae'r llun clawr a welir yn yr atodiad yn rhoi syniad i chi o'r safon. Llyfr rhagorol a fyddai'n ffitio'n daclus ar y silff ochr yn ochr â Chopaon Cymru! A (heb frolio gormod arnom ein hunain) dwy gyfrol sy'n llawer gwell na'r holl lyfrau Saesneg sydd wedi eu cyhoeddi am fynyddoedd Cymru.
Amserlenni cyfredol bysus Sherpa'r Wyddfa
https://www.sherparwyddfa.cymru/
Map o Gwm Idwal, sy'n nodi nifer o enwau hyfryd sydd yn anghyfarwydd i lawer.
Cliciwch arno i'w chwyddo
GWYBODAETH BYW AR Y WE O GOPA'R WYDDFA
Gallwch gael gafael ar adroddiadau tywydd ayyb o gopa'r Wyddfa a llun gwegamera (yr Wyddfa o Dinorwig) drwy ddilyn y ddolen HON i wefan WyddfaFyw.
PANEL POLISIAU/YMATEB
Mae'r clwb yn derbyn nifer cynyddol o geisiadau am ymateb i amrywiol gyhoeddiadau, ymgynghoriadau, dogfennau ac ati yn ymwneud â mynydda a chefn gwlad yn gyffredinol. Mae'n bwysig bod llais y clwb a, thrwy hynny, llais mynyddwyr o Gymry i'w glywed. Penderfyniad y Cyf Cyff oedd sefydlu panel neu bwyllgor ad-hoc fyddai'n cyfarfod (neu'n trafod ar y wê) yn achlysurol yn ôl yr angen i ystyried y materion hyn. Os oes gennych ddiddordeb ac yn barod i gynnig eich hun, yna cysylltwch â Iolo (07854 656351 / ioloroberts289@btinternet.com).
https://www.facebook.com/Newyddion9/videos/376344442820714/
'AP' CLWB MYNYDDA CYMRU
Sefydlwyd ‘AP’ newydd Clwb Mynydda Cymru ar gyfer ffonau clyfar a llech/padiau (Apple ag Android).
Mae’r ‘AP’ yn cysylltu’n uniongyrchol â’r gwefan y clwb mewn rhyngwyneb newydd a rhwydd i/w ddefnyddio i ddarllen y rhaglen gweithgareddau, hanesion, newyddion, ymaelodi ayyb.
Ewch i Cysylltu am gyfarwyddid ar sut i osod yr AP ar eich teclyn.
COPAON CYMRU
Mae ail-argraffiad COPAON CYMRU ar gael yn y siopau, yn dilyn gwerthiant rhagorol o 1000 o gopiau o'r argraffiad cyntaf.
Mae gan Wasg Carreg Gwalch wasanaeth archebu ar-lein.
Mae'n gyfrol hardd dros ben, gyda lluniau trawiadol a mapiau lliw yn cyflwyno 48 taith i dros gant o brif gopoan Cymru - ac mae pawb sydd wedi gweld y llyfr yn cytuno ei fod yn glamp o fargen am £15.
DISGOWNT I AELODAU!
SIOP CRIB GOCH
Mae Siop Crib Goch yn Llanberis yn cynnig disgownt hael o 15% oddi ar bris llawn popeth yn y siop (ond bwyelli Gransfors Bruks) i aelodau'r Clwb sy'n dangos cerdyn aelodaeth wrth dalu.
Mae'r cynnig yn cymharu'n ffafriol iawn gyda'r hyn sydd ar gael gan siopau cadwyn.
Mae nhw'n gwerthu offer gan nifer o gwmniau, gan gynnwys Paramo - dillad sydd ddim ond i'w cael yn y siopau llai, Berghaus, Keela, Buffalo, Sherpa, Fjallraven, Hanwag, Aku, Keen a llawer mwy – felly mae digon o ddewis.
Dyma'r unig siop yng Nghymru sydd yn annibynnol ac ym mherchnogaeth Cymry Cymraeg.
Mae pawb o'r staff yn siarad Cymraeg (heblaw Rich, o Seland Newydd, sy'n ddysgwr).
COTSWOLD
Gostyngiad wrth brynu dillad/offer mynydda
Mae cwmni Cotswold yn cynnig 15% o ostyngiad i aelodau Clwb Mynydda Cymru a nifer o siopau eraill yn cynnig rhyw ostyngiad neu'i gilydd.
TRESPASS
Mae siopau Trespass wedi cytuno i roi 10% i ffwrdd oddi ar unrhywbeth yn eu siopau ym Mwllheli, Abersoch a Bangor i aelodau CMC. Rhaid dangos eich cerdyn aelodaeth.
I aelodau yn y De yna mae gan y cwmni ddwy siop – Penybont a Glyn Ebwy.
SIOPAU CUNNINGHAMS
Mae siopau Cunninghams yn cynnig 10% o ddisgownt i aelodau’r clwb.
SIOP ANTUR STINIOG
Gwerthir dillad a nwyddau gweithgareddau awyr agored, fel menter gymunedol. Nôd arall ydi galluogi'r gymuned i elwa ar gyfleon economaidd a hyfforddi yn y maes.
Amcanion ar dudalen ar y wefan
Disgownt o 15%, ag eithrio offer DMM a Yaktrax, i aelodau'r Clwb Mynydda sy'n dangos cerdyn aelodaeth.
Ar agor rhwng 9 a 5 dydd Llun hyd Sadwrn ac ar y Suliau hefyd yn yr haf
NODER:Dylech ofyn mewn unrhyw siop a oes gostyngiad i'w gael i aelodau clybiau mynydda gan grybwyll os oes angen bod CMC yn perthyn i'r BMC ("BMC affiliated" yn eich Saesneg gorau!)
RHESTR O GOPAON CYMRU - AR WICIPEDIA
Mae rhestr gyflawn o gopaon Cymru ar gael ar Wicipedia. Ceir dipyn o fanylion am bob un hefyd - a gallwch ychwanegu atynt neu ei golygu.
LLAWLYFR GWYN GOGLEDD CYMRU
Lawrlwythwch lyfryn yn cynnwys canllawiau ar gyfer sut i osgoi niweidio
cynefinoedd gwantan yn eryri yn ystod y gaeaf oddi YMA