Rhaglen Gyfredol Clwb Mynydda Cymru

Rhaid i chi gysylltu ymlaen llaw â’r arweinydd er mwyn sicrhau lle ar y daith

I gymryd rhan yng ngweithgareddau’r clwb:

• dylai unrhywun o dan 18 mlwydd oed fod yng nghwmni oedolyn cyfrifol
• dylid peidio dod â chŵn onibai am gŵn tywys
• dylid fod yn aelod o’r Clwb ond mae croeso i unigolion flasu un gweithgaredd cyn ymlaeodi â’r Clwb
• dylid fod yn ymwybodol y gall dringo a mynydda arwain at anaf neu farwolaeth – mae pawb yn gyfrifol am eu diogewlch eu hunain.

Mae arweinyddion yn cadw’r hawl i newid dyddiadau teithiau o’r dydd Sadwrn i ddydd Sul a vice versa, weithiau oherwydd y tywydd neu amodau/digwyddiadau eraill. Byddan nhw hefyd angen gwybod rhif ffôn ac enw cyswllt mewn argyfwng. Gwahoddir y rhai sydd am ymuno â’r teithiau rannu gwybodaeth, yn gyfrinachol, gyda’r arweinydd am unrhyw gyflwr meddygol os y bydd hynny o help iddyn nhw mewn argyfwng yn ystod y daith.

Mae’r Clwb yn graddio teithiau i adlewyrchu natur eu her. Bydd yr eicon a fydd yn cyd-fynd â lefel yr her yn ymddangos gyda disgrifiad pob taith (drwy clicio/cyffwrdd yr eicon gallwch weld y graddfeydd yn llawn). Holwch arweinydd y daith os ydych chi eisiau mwy o wybodaeth.

Mae croeso i unigolion nad ydynt yn aelodau i ymuno ag un o deithiau’r Clwb er mwyn ‘blasu’r’ profiad. Fodd bynnag, aelodau’n unig a gaiff ymuno â theithiau sydd wedi’u graddio’n ddu.

Mae amodau gaeafol yn cynyddu’r her wrth fynydda, e.e. mae taith a roddir gradd gwyrdd iddi yn yr haf yn gallu haeddu du yn y gaeaf. Mae’r Clwb yn disgwyl i aelodau sy’n ymuno â theithiau mewn amodau gaeafol gario’r offer priodol, e.e. caib rhew, pigau bach/mawr, lamp pen ynghyd â’r gallu i’w defnyddio.

Holwch arweinydd y daith os ydych chi eisiau mwy o wybodaeth.

Rhestr offer at ddefnydd arweinyddion teithiau ar gael YMA

Cyfarwyddiadau defnyddio offer 'diffib'

Mae offer 'diffib' yn cael ei gario gan arweinydd pob taith Clwb Mynydda Cymru. Cyfarwyddid ar gyfer ei ddefnyddio ar gael YMA. Llyfryn cyfarwyddid llawn ar gyfer y diffib ar gael YMA.

Sadwrn 22 Awst
Pen Llithrig y Wrach a Pen yr Helgi Ddu
08.30  08.45
Maes parcio tu ôl i Siop Joe Brown, Capel Curig  SH 721 582.

Cerdded am tua hanner milltir ar hyd yr A5 cyn ymuno â’r llwybr cyhoeddus sy’n arwain at Lyn Cowlyd. Cerdded trwy’r rhostir at y llyn ac yna codi’n eitha serth i gopa Pen Llithrig y Wrach cyn disgyn i Fwlch y Tri Marchog. Dringo mwy graddol wedyn i gopa Pen yr Helgi Ddu. Cerdded lawr y Braich, croesi’r A5 ac ymuno a’r Llwybr Llechi i fynd yn ôl i’r maes parcio.

16 km/10 milltir ac esgyniad o 900 m/2,950 o droedfeddi.

Richard Roberts 

Sadwrn 29 Awst
Bwlch Mawr a'r Copaon Eraill.
9.30 10.00
Maes parcio yn ymyl hen westy Sant Beuno, Clynnog - SH 415 497.

Taith sy’n ymweld â chopaon Bwlch Mawr, Pen y Gaer (opsiynol), Gyrn Ddu a Gyrn Goch.

Tua 15 km / 9 milltir ac esgyniad o tua 650 m / 2,150 troedfedd.

Keith Roberts     07789 911437   keithtan@hotmail.co.uk

Sadwrn 5 neu Sul 6 Medi
Pedol Stiniog
06.15 06.30
Canol Tref Ffestiniog, ger y pistyll, o flaen Gwesty’r Queens. Maes Parcio Cyngor Gwynedd, canol y dref, neu digon o lefydd eraill cyfagos.

Gan gychwyn o ganol y dref, cerdded at Ddolrhedyn, yna i fyny ffordd Stwlan a dringo i gopa Moelwyn Bach a thros weddill y Moelwynion cyn disgyn lawr i chwarel Rhosydd. Anelu am Lyn yr Adar a thros gopaon Ysgafell Wen, Moel Druman ac Allt Fawr ac yna disgyn i Fwlch y Gorddinan. Fyny am gopaon Moel Farlwyd a Phenamnen ac ymlaen dros Foel Fras a chroesi dros Chwarel Cwt y Bugail at gopa‘r Graig Ddu, a’r copa olaf, sef Manod Mawr. I lawr heibio chwarel Llyn Dŵr Oer (gallwn ychwanegu copa Manod Bach pe dymunir!), ac yna yn ôl i’r dref. Diwrnod llawn o gerdded go galed! Cofiwch pen-dorch, rhag ofn!

Tua 35 km/22 milltir o gerdded, gydag esgyniad o dros 1737 m / 5,700 troedfedd.
Peint yn y Cwîns i ddarfod, os cyrhaeddwn cyn stop tap!

Erwyn Jones   07717 287915   erwynj@aol.com 

Sadwrn 12 Medi
Dwyrain Bryniau Clwyd – Moelydd y Gamelin a Morfydd 
09.45  10.00
Maes Parcio gyferbyn â chaffi Ponderosa, Bwlch yr Oernant – SJ 19277 47969.

Dilyn y llwybr at Foel y Maen ac yna ymlaen dros gopaon Moel y Gamelin, Moel y Gaer a Moel Morfydd cyn dychwelyd yn ôl ar hyd llwybr a thraciau islaw’r copaon.

Cerdded digon hawdd ar y cyfan, gydag ambell ddarn serth. Golygfeydd gwych draw am Eryri ac i gyfeiriad Mynydd Eglwyseg.

Tua 11 Km / 7milltir ac esgyniad o 550 m / 1,800 troedfedd.  Tua 4-5 awr.

Richard Roberts  07738 856174  llanrug1956@gmail.com

Sadwrn/Sul 12 a 13 Medi
Cefn y Ddraig Diwrnod Tri
04:00 i gychwyn am 04:10
Maes Parcio Pwll Penmaen SH 696 185

Dydd Sadwrn
Dilyn llwybr Diwrnod Tri Ras Cefn y Ddraig o Bwll Penmaen, drwy Ddolgellau, fyny i Gau Graig ac ar hyd y grib dros gopaon Mynydd Moel, Pen y Gader, Tyrrau Mawr a Chraig y Llyn cyn disgyn lawr am Abergynolwyn. Ymlaen wedyn dros Tarren y Gesail ac lawr i Fachynlleth.
Bydd cefnogaeth ar gael yn Abergynolwyn a Machynlleth.

Taith o 26 milltir, 6,600 troedfedd o ddringo, amcan amser yn 14 awr.

Nos Sadwrn
Swper ac aros yng Ngwesty Y Wynnstay, Machynlleth (neu unrhyw le arall ym Machynlleth). Mae fyny i bob unigolyn drefnu eu llety eu hunain

Dydd Sul
Parhau ar lwybr Diwrnod Tri Ras Cefn y Ddraig o Fachynlleth gan godi at Ffridd Rhywlwydden ac yna Moel Hyddgen cyn parhau i’r de dros Bumlumon ac i lawr i Bonterwyd.

Taith o 16 milltir, 3,800 troedfedd o ddringo, amcan amser yn 9 awr.

Bydd angen cysylltu i ddeud bod chi’n dod erbyn nos Fawrth cyn y daith er mwyn gwneud trefniadau ceir a ballu.

Dwynwen Pennant    07720057068   FFôn/Text/WhatsApp

Dydd Sadwrn 19 Medi
Taith Cribarth
09.15Tu allan i’r Abercrave Inn,  Abercrâf - SN 852 156.

Parcio yn y pentref, nid yn y dafarn. Taith trwy’r goedwig i copa Cribarth.Ymlaen dros y grib gan ddilyn ôl traciau tram a hen werydd calchfaen a silica. Lawr i blasdy Craig y Nos a thrwy warchodfa natur Craig y Rhiwarth ac Allt Rhongyr.

Tua 11 km / 7milltir gydag esgyniad o 421 m / 1,380 troedfedd.

Alun Reynolds   07946 48107119   alunwreynolds@gmail.com 

Sadwrn 19 Medi
Arennig Fawr a Moel Llyfnant
09.15  09.30
Cilfannau parcio wrth ymyl Pont Rhyd-y-fen, oddi ar A4212, i’r gorllewin o Lyn Celyn – SH 817 394.

Dilyn yr hen reilffordd am gyfnod byr cyn anelu am waelod Craig yr Hyrddod ac yna codi’n raddol am tua 300 metr i gopa Arenig Fawr. Dilyn y ffens o’r copa i gyfeiriad Ceunant Coch ac ymlaen i gopa Moel Llyfnant. Anelu am y gogledd ac  i lawr am Amnodd Bwll. I lawr i Dôl Benlas, heibio’r Orsedd ac yna dilyn yr hen reilffordd yn ôl i’r man cychwyn.

14 km / 8.5 milltir ac esgyniad o 816 m / 2,676 troedfedd.

Gareth Hughes   +44 7557 227625    hughes690@btinternet.com 

Sadwrn 26 Medi
Hafn yr Esgair Felen (Bryant’s Gully)
09.00
Maes parcio Nant Peris – SH 608 581.

Taith sgrialu gradd 2 ydy hon. Mae’r hafn yn gallu bod yn wlyb dros ben ac oherwydd hynny, bydd penderfyniad ynghylch newid i daith sgrialu arall ai peidio’n cael ei wneud ar sail y tywydd ychydig ddyddiau ynghynt. Anfonir cadarnhad at yr aelodau ar 24 Medi.

Gareth Wyn Griffith  01690 760332    olwenperis@outlook.com

Cwrs Penwythnos Mynydda Glan-llyn Isaf 2-4 Hydref
Cwrs ddechreuwyd gyda haelioni teulu y diweddar Gareth Pierce.
Addas ar gyfer Pobl ifanc blynyddoedd 10-13
Glan-llyn Isa', Llanuwchllyn
Pris £159

Mwy o fanylion...
Yn ystod y penwythnos byddwn yn dringo rhai o gopaon uchaf Cymru tra yn dysgu sgiliau mynydda. Bydd yr hyfforddiant yn gyfan gwbl drwy’r Gymraeg. Oherwydd natur y cwrs bydd gofyn i’r mynychwyr fod a lefel o ffitrwydd sydd yn golygu eu bod yn gallu ymdopi a cherdded tua 6 awr dros dir mynyddig.

Byddwch yn aros yn Nglan-llyn Isa', Llanuwchllyn. Yno mae cyfleusterau gwych tu mewn a thu allan, ystafelloedd cyfforddus, pit tan, a golygfeydd hyfryd i bob cyfeiriad. Mae Glan-llyn Isa ar draws y cae o Wersyll yr Urdd, Glan-llyn.

Mae'r cwrs yn cael ei gyd-hyrwyddo gan Glwb Mynydda Cymru.

Amserlen Enghreifftiol
Nos Wener 2 Hydref
18.00 Cyrraedd Glan-llyn Isa, swper a chyflwyniad i: gwaith map a chwmpawd, offer, taith gerdded nos.
Dydd Sadwrn 3 Hydref
Diwrnod cyfan ar y mynyddoedd yn defnyddio sgiliau map a chwmpawd a gwaith rhaff ar dir serth (yr union leoliad yn ddibynnol ar y tywydd etc).
Nos: Pwll Nofio
Dydd Sul 6 Hydref
Diwrnod arall yn mynydda gan orffen tua 15:30.

*Nid oes bwriad i drefnu trafnidiaeth yn rhan o’r cwrs.

Cliciwch yma i ARCHEBU

Sadwrn 3 Hydref **Taith Flasu
Copaon Gorllewinol y Carneddau
Cyfle i flasu un o weithgareddau'r clwb cyn meddwl am ymuno.

Cyfarfod 09.30 yn Glan Dena ar ochr ddwyreiniol Llyn Ogwen  - SH 667 605/ What3words - ///leads.area.reporting a dechrau cerdded am 09.45.
 
Parcio am ddim ar ochr yr A5. Bosib defnyddio'r Bws T10 o gyfeiriad Bangor neu Betws y Coed hefyd.
 https://www.traveline.cymru/uploads/OmniPDF/OWPDF__Trawscymru-T10_-Bangor-Corwen-4-_Summer/T10TCA4.pdf

Cerdded ar hyd y Llwybr Llechi at Fferm Gwern Gof Isaf cyn troi i fyny’r lôn i gyfeiriad Ffynnon Llugwy. Troi hanner ffordd ar hyd ochr y ffos a dringo'n raddol am gopa Pen yr Helgi Ddu lle mae golygfeydd godiog o Tryfan â'r Glyderau. Disgyn i Fwlch y Tri Marchog a dringo o'r bwlch yn serth i gopa Pen Llithrig y Wrach sydd uwchben Llyn Cowlyd a Dyffryn Conwy. Cerdded yn ôl dros dir garw cyn dychwelyd i Gwern Gof Isaf ac yn ôl i'r man cychwyn.

Taith o rhyw 16 km / 10 milltir gydag esgyniad o 786 m / 2,579 troedfedd.

Cysylltwch â’r arweinydd- Steve Williams 07772 546820 llechid230271@gmail.com
Bydd angen i chi roi manylion cyswllt mewn argyfwng pan fyddwch yn cadarnhau eich presenoldeb.

Sul 11 Hydref
Cychdaith dwyrain Cadair Idris
9.15 9.30
Maes parcio Ty Nant, SH 697152. Tâl am barcio, toiledau.

Cerdded ychydig ar hyd y ffordd i hen westy'r Gwernan, yna esgyn i gopa Cadair Idris heibio Llyn Gafr a Llyn y Gadair. Dilyn y grib i'r dwyrain dros Fynydd Moel a Gau Graig a dychwelyd at y ceir heibio Bwlch Coch.

Tua 16 km / 10milltir ac esgyniad o tua 900 m / 3,000 troedfedd.

Elen Huws  07815 104775    elenhuws@btinternet.com 

17 hydref
Y ddwy Glyder
08.45  09.00
Tu allan i Ganolfan Ymwelwyr Ogwen – SH649 603. Parcio gweddol gyfyng yma (tâl) neu gellir dal y bws T10 o Fethesda (08.27).

Cerdded i Gwm Idwal a chroesi’r ffridd i ganfod y trywydd sgrialu hynod ddifyr – gradd 1 - sy’n arwain i Gwm Cneifion. Sgrialu haws fyth wedyn nes bron â chyrraedd copa Glyder Fawr. Mae sgrialu ar y lefel yma’n addas hefyd i rai sydd heb roi cynnig arni o’r blaen a bydd cefnogaeth ar gael bob cam o’r ffordd. Croesi Bwlch y Ddwy Glyder, heibio – neu dros – Castell y Gwynt i gopa Glyder Fach. I lawr y sgri serth i Fwlch Tryfan a dilyn y llwybr heibio Llyn Bochlwyd yn ôl i’r dechrau.

Tydy hon ddim yn daith hir iawn ond hi’n cael gradd ‘du’ oherwydd yr elfen sgrialu. Tua 10 km / 6 milltir ac esgyniad o 884 m / 2900 troedfedd.

Richard Roberts a Gareth Hughes   07738 856174    llanrug1956@gmail.com

24 Hydref
Elidir Fawr a’r Garn
09.00  09.15
Maes parcio Nant Peris - SH 607 581.

Croesi’r ffordd fawr, cerdded heibio’r capel a dechrau dilyn Afon Dudodyn cyn ei chroesi ac anelu ar hyd wyneb dwyreiniol Elidir Fawr am y copa. I lawr i Fwlch y Brecan cyn dringo’n serth i gopa Foel Goch. Ar i lawr wedyn i Fwlch y Cywion cyn codi’n eitha serth i gopa’r Garn. Cerdded i lawr at Lyn y Cŵn cyn dilyn Afon Las i lawr Cwm Padrig ac yn ôl i’r maes parcio.

Peint neu baned yn y Faenol ar ddiwedd y daith.

13 km / 8 milltir ac esgyniad o 1,181 m / 3,874 troedfedd.

Sandra Parry  +44 7738 957337   dewsan_p@hotmail.com

31 Hydref
Aran Fawddwy
9.15 9.30
Maes parcio (cyfraniad gwirfoddol) Blaencywarch, ger Dinas Mawddwy - SH852 189.

Llwybr caregog serth i fyny Cwm y Graig i Fwlch Cosyn ac yna’n fwy graddol i gopa Aran Fawddwy. Dychwelyd at Drws Bach, dros Drysgol ac i lawr Hengwm i’r man cychwyn.

Tua 11 km / 7 milltir a thua 760 m / 2,500 troedfedd o ddringo.

Eryl Owain  07548 790583 erylowain@gmail.com

7 Tachwedd
Cylchdaith Maesglase o Ddinas Mawddwy
09:00   09:15
Maes Parcio Dinas Mawddwy ger y toiledau cyhoeddus - SH 85890 14896.

Dechrau o faes parcio pentref Dinas Mawddwy. Cerdded drwy’r pentref cyn dilyn llwybr serth drwy’r coed i weddillion chwarel Minllyn. Troi i gyfeiriad Moel Dinas cyn dringo i Graig Maesglase am olygfeydd bendigedig o’r ardal.

Disgyniad serth o Faen Du i Foel Cwm yr Eglwys gan barhau ar i lawr er mwyn croesi’r briffordd a dychwelyd i’r pentref ar hyd y llwybr cyhoeddus. Peint neu baned yn y Llew Coch i nodi diwedd y daith!

Tua 15 km / 9 milltir o hyd ac esgyniad o tua 900 m / 2,950 troedfedd.

Aled Morgan Hughes   07984 080644  aledmhughes@gmail.com

14 Tachwedd
O Bennal i Aberdyfi dros y Tarennau
09.45
Gorsaf bad achub (a toiledau) Aberdyfi am 9.45 er mwyn dal y bws G21 am 10.04 o'r arosfan ger yr eglwys. Mae llefydd parcio am ddim ar hyd y brif stryd a maes parcio mawr gerllaw.

Cychwyn cerdded ym Mhennal a dringo o ddyffryn Dyfi i gopa Tarrenhendre. Yna dilyn crib y Tarennau tua'r gorllewin, gan ddisgyn yn raddol i lawr i Gwm Maethlon ac un ddringfa olaf cyn cyrraedd glan y môr yn Aberdyfi (a chyfle am lymaid, sglodion neu hufen ia).

Tua 19 km / 12 milltir ac esgyniad o 900 m / 2,950 troedfedd. Oddeutu 5-6 awr.

Manon Davies   07967 367133   manonwynnedavies@yahoo.com

Sadwrn 21 Tachwedd **Taith 1 y cinio blynyddol
Pen-y-Gwryd, dros Moel Siabod i Fetws-y-Coed.
07.45
Maes parcio tu ôl i westy’r Royal Oak/Siop Cotswold am 7:45 i ddal y bws S1 am 08:03 o’r safle bws sydd o flaen Gwesty Royal Oak (SH 792 565) i Ben y Gwryd (Ella bydd amser y bws yn newid pan mae amserlen gaeaf yn cael ei chohoeddi).

Cychwyn cerdded o Ben y Gwryd tua 8:30 a dringo i Fwlch Rhiw’r Ychen cyn dilyn y fraich i gopa Moel Siabod. O’r copa, dilyn y llwybr nôl lawr am Gapel Curig ond troi a dilyn y ffordd goedwigaeth i Gaffi Siabod. Ar ôl croesi’r A5, cerdded i fyny i ganfod y Llwybr Llechi a’i ddilyn yr holl ffordd yn ôl i Fetws-y-Coed.

Tua 18 Km / 12 milltir ac esgyniad o 823 m / 2,700 troedfedd. Tua 7-8 awr.

 *Dim byd heriol heblaw am y ffaith na fedran ni ddim bod yn hwyr i swper!
Dwynwen Pennant   07720 057068   Ffôn/Text/WhatsApp

Sadwrn 21 Tachwedd **Taith 2 y cinio blynyddol
Crimpiau a Chreigiau Gleision
9.15 9.30
Mae Parcio -SH 720 581 - y tu cefn i siop Joe Brown yng Nghapel Curig. Dim tâl a thoiled gerllaw (codir tâl am hwnnw).

3 km hamddenol ar hyd y llwybr tua Crafnant cyn dringfa fer ond serth i gopa Crimpiau o’r cefn ac ymlaen wedyn dros gopa Craig Wen a chopaon Creigiau Gleision. I lawr at Lyn Cowlyd i groesi’r argae ac yna dilyn llwybr ar hyn glannau’r llyn i Fwlch Tri-chwmwd ac yn ôl tros y gweundir heibio Tal-y-waun.

Tua 16 km / 8 milltir ac esgyniad o 550 m / 1,800 troedfedd.

Eryl Owain 07548 790583  erylowain@gmail.com 

Sadwrn 21 Tachwedd
Cyfarfod Blynyddol a Cinio

Gwesty'r Royal Oak, Betws y Coed

Sadwrn 28 Tachwedd
Penmaen Mawr a Phenmaen Bach
09.15 09.30
Maes parcio Fernbrook Road, Penmaenmawr - SH 763 718 (meter talu).

Codi o’r dref heibio Graiglwyd at Glip yr Orsedd a phen y chwarel fawr. Wedyn i’r dwyrain am Graig Hafod Wen, Foel Lus, yr Alltwen a Phenmaen Bach. Yn ôl heibio Maen yr Esgob. Llymed cyn troi am adre.

Taith o tua 16 km / 10 milltir ac esgyniad o tua 680 m / 2,230 troedfedd.

Rhys Dafis   07946 299940    rhysdafis@aol.com

5 Rhagfyr
Foel Goch, Llangwm a’r Garnedd Fawr
09.45 10.00
Canol Pentref Llangwm, ger yr Eglwys SH96624462 What3words ///llonder.clywn.dywediadau.

Cychwyn o ganol y pentref a cherdded ar hyd y ffordd nes cyrraedd yr hen gapel, cyn troi i’r chwith ac ymlaen dros drac sy’n arwain i Gwm Llan. Cerdded I fyny’r ysgwydd at gopa Foel Goch. O’r copa, anelu am Garnedd Fawr a cherdded lawr heibio Bwlch y Greigwen a Cherrig y Gordref, cyn dilyn llwybr heibio Rhyd yr Ewig a fydd yn arwain yn ôl i’r pentref.

Cerdded digon hawdd ar y cyfan, gydag ambell i ddarn gwlyb rhwng Foel Goch a Charnedd Fawr. Tua 11 km / 7 milltir ac esgyniad o 460 m / 1,500 troedfedd.

Erwyn Jones  07717 287915   erwynj@aol.com 

Sadwrn 12 Rhagfyr
Taith y gwawrio, Moel Siabod
04.30 04.45
Y gilfan uwchben Llynnau Mymbyr gyferbyn â Phlas y Brenin ar yr A4086 SH71570 57840
Iechyd a diogelwch a chadarnhau’r offer cywir cyn dechrau ar y daith.

Cychwyn dros Afon Llugwy ger Plas y Brenin, wedyn i fyny drwy'r coed a dilyn y llwybr i’r copa i wylio’r wawr, gan anelu i gyrraedd rhwng 07.00 a 07.15. Panad a seibiant i wylio'r wawr yn torri o 07.27 tan i’r haul godi am 08.09 a mwynhau’r golygfeydd lliwgar (dibynnu ar y tywydd). Wedyn dilyn yr un llwybr yn ôl i’r man cychwyn.

Mae'r daith yma, dros y blynyddoedd, wedi cael tywydd gaeafol rhewllyd ac eira’n lluwchio ac ati. Oherwydd hyn, mae'r daith yma yn un ddu ac yn agored i aelodau yn unig. Disgwylir y bydd pob aelod a fydd yn ymuno â’r daith gyda'r offer canlynol: dillad cynnes, het a menig, esgidiau addas i'r adeg o’r flwyddyn a thywydd gaeafol Eryri, pigau bach neu bigau mawr (crampons neu micro spikes), polion cerdded, sbectol eira (goggles), caib rhew, pecyn bwyd a diod cynnes. 

10 km / 6 milltir ac esgyniad o 872 m / 2,867 troedfedd.

Keith Roberts  07789 911437    keithtan@hotmail.co.uk

19 Rhagfyr
Carnedd Llywelyn, Carnedd Dafydd a Phen yr Ole Wen
8.30 8.45
Glan Dena, Dyffryn Ogwen (SH668605).

Cychwyn o Glan Dena a cherdded i’r dwyrain ar hyd y Llwybr Llechi. Yn Gwern Gof Isaf, croesi’r A5 a cherdded fyny’r ffordd i Ffynnon Llugwy cyn dringo i Fwlch Eryl Farchog. Peth sgramblo ar hyd y grib am gopa Carnedd Llywelyn a all fod yn heriol mewn amodau gaeafol. O gopa Carnedd Llywelyn, dilyn y grib uwchben Ysgolion Duon am gopa Carnedd Dafydd ac wedyn ymlaen am Pen yr Ole Wen. Gostwng o Ben yr Ole Wen i’r dwyrain gyda pheth sgramblo lawr am Ffynnon Lloer cyn disgyn yn ôl i Glan Dena.

Gobeithio bydd amodau mynydda gaeaf ac felly bydd angen offer mynydda gaeaf yn cynnwys torch pen.

16 Km / 9.5 milltir ac esgyniad o 1,006 m / 3,300 troedfedd. Tua 8-9 awr.

Dwynwen Pennant   07720 057068     Ffôn/Text/WhatsApp .

CROESO I SYLWADAU AC I  SYNIADAU AM WEITHGAREDDAU
- A CHROESO ARBENNIG I GYNIGION I ARWAIN!

Ysgrifennydd gweithgareddau: Richard Roberts 07738 856174 llanrug1956@gmail.com
Cydlynydd teithiau’r de: Dewi Hughes 02920 891753 / 07909 930427 dewihughes1@btinternet.com
Cydlynydd dringo:Curon Davies 07848 863663 curond@gmail.com
Cydlynydd teithiau Mercher: Haf Meredydd 01766 780541 / 07483 857716 hmeredydd21@gmail.com

Manylion Pellach

Arweinwyr:
Cofiwch lenwi'r ffurflen cyswllt ar ddechrau'r daith / gweithgaredd.
Os oes darpar-aelodau ar un o’r teithiau, a wnaiff yr arweinydd yrru’r enwau, cyfeiriadau a chyfeiriadau e-bost at ymholiadau@clwbmynyddacymru.com
Pob Aelod:
Rhaid cysylltu â’r arweinydd er mwyn sicrhau lle ar daith.
Cofiwch gario eich cerdyn manylion ar bob taith.