Rhaglen Gyfredol Clwb Mynydda Cymru

Rhaid i chi gysylltu ymlaen llaw â’r arweinydd er mwyn sicrhau lle ar y daith

I gymryd rhan yng ngweithgareddau’r clwb:

• dylai unrhywun o dan 18 mlwydd oed fod yng nghwmni oedolyn cyfrifol
• dylid peidio dod â chŵn onibai am gŵn tywys
• dylid fod yn aelod o’r Clwb ond mae croeso i unigolion flasu un gweithgaredd cyn ymlaeodi â’r Clwb
• dylid fod yn ymwybodol y gall dringo a mynydda arwain at anaf neu farwolaeth – mae pawb yn gyfrifol am eu diogewlch eu hunain.

Mae arweinyddion yn cadw’r hawl i newid dyddiadau teithiau o’r dydd Sadwrn i ddydd Sul a vice versa, weithiau oherwydd y tywydd neu amodau/digwyddiadau eraill. Byddan nhw hefyd angen gwybod rhif ffôn ac enw cyswllt mewn argyfwng. Gwahoddir y rhai sydd am ymuno â’r teithiau rannu gwybodaeth, yn gyfrinachol, gyda’r arweinydd am unrhyw gyflwr meddygol os y bydd hynny o help iddyn nhw mewn argyfwng yn ystod y daith.

Mae’r Clwb yn graddio teithiau i adlewyrchu natur eu her. Bydd yr eicon a fydd yn cyd-fynd â lefel yr her yn ymddangos gyda disgrifiad pob taith (drwy clicio/cyffwrdd yr eicon gallwch weld y graddfeydd yn llawn). Holwch arweinydd y daith os ydych chi eisiau mwy o wybodaeth.

Mae croeso i unigolion nad ydynt yn aelodau i ymuno ag un o deithiau’r Clwb er mwyn ‘blasu’r’ profiad. Fodd bynnag, aelodau’n unig a gaiff ymuno â theithiau sydd wedi’u graddio’n ddu.

Mae amodau gaeafol yn cynyddu’r her wrth fynydda, e.e. mae taith a roddir gradd gwyrdd iddi yn yr haf yn gallu haeddu du yn y gaeaf. Mae’r Clwb yn disgwyl i aelodau sy’n ymuno â theithiau mewn amodau gaeafol gario’r offer priodol, e.e. caib rhew, pigau bach/mawr, lamp pen ynghyd â’r gallu i’w defnyddio.

Holwch arweinydd y daith os ydych chi eisiau mwy o wybodaeth.

Rhestr offer at ddefnydd arweinyddion teithiau ar gael YMA

Cyfarwyddiadau defnyddio offer 'diffib'

Mae offer 'diffib' yn cael ei gario gan arweinydd pob taith Clwb Mynydda Cymru. Cyfarwyddid ar gyfer ei ddefnyddio ar gael YMA. Llyfryn cyfarwyddid llawn ar gyfer y diffib ar gael YMA.

Sadwrn 25 Ebrill
Y Carneddau o Lanfairfechan
08.30 08.45
Maes parcio Promenâd Llanfairfechan - SH 678 754.

Cerdded trwy’r pentref i gopa Garreg Gawr. Ymlaen am Drum, Foel Fras a Charnedd Gwenllian. Troi lawr am Bera Bach, a throi i’r gogledd cyn y tro am Gyrn Wigau i gyfeiriad Moel Wnion. Dringo dros Moel Wnion neu mynd ar hyd ei godrau yn dibynnu ar yr amser ac wedyn disgyn i Abergwyngregyn. Cerdded trwy’r pentre i Gaffi Alma.

Dibynnol ar amser:
1) Aros am bus rhad at Llanfairfechan i fynd yn ôl at y ceir - 25.5 km o gerdded ac esgyniad o 1,091 m

2) Cerdded hamddenol ar hyd llwybr yr arfordir yn ôl i Lanfairfechan: 29 km a 1,090 m o esgyniad.

Matthew Williams   07376 014679   matt7399@gmail.com

Llun 4 Mai
Taith flasu Clwb Mynydda Cymru - Cadair Idris
09.30 09.45
Maes Parcio Llwybr Minffordd - SH731116. Gellir cyrraedd yno ar yr A487. Bydd angen talu am barcio.

Dyma gyfle i roi cynnig ar un o weithgareddau Clwb Mynydda Cymru cyn penderfynu ymaelodi ai peidio. Mae’r daith hon yn cynnwys cyrraedd copaon Mynydd Moel, Penygader, Craig Cau a Chraig Cwm Amarch. Mae’n daith werth chweil yn ne Eryri sy'n cynnig golygfeydd godidog. Bydd y llwybr hwn yn dilyn Llwybr Minffordd ac yn dringo Mynydd Moel ac yna ymlaen i Benygader, sef copa Cader Idris. Mae'r llwybr cylchol hwn yn fwy garw a heriol na Llwybr Pilin Pwn sydd ochr arall i’r mynydd, ond mae'r golygfeydd o'r clogwyni i Lyn Cau yn fendigedig (os y bydd hi’n glir!).

Mae'r llwybr yn dringo'n serth i ddechrau gyda rhannau o’r llwybr yn risiau cerrig. Byddwn yn dilyn llwybr da ond serth i fyny at gopa Mynydd Moel. O Fynydd Moel, mae'r llwybr yn parhau ar hyd y grib i brif gopa Cader Idris, Penygader (893 m). Byddwn yn dychwelyd uwchben Cwm Cau i ailymuno â'r llwybr (Minffordd) a ddefnyddiwyd i ddringo Mynydd Moel ar y cychwyn.

Mi fydd yna rhai dringfeydd a disgyniadau heriol, yn enwedig ar y ddringfa gychwynnol i fyny Mynydd Moel. Mae'r llwybr yn greigiog a gall fod yn anwastad mewn mannau, yn enwedig ar y ddringfa i Fynydd Moel. Mae copa Cader Idris yn cynnig golygfeydd 360 gradd syfrdanol, gan gynnwys Môr yr Iwerydd a'r mynyddoedd cyfagos. Mae'r daith yn cynnwys coetir, llwybrau creigiog, rhostir agored ac ymylon clogwyni dramatig.

Cysylltwch â’r arweinydd i gadarnhau lle. Byddan ni angen enw a rhif ffôn argyfwng ar gyfer pawb a fydd yn ymuno â’r daith.
Taith o tua 11 km / 6.8 milltir ac esgyniad o 1,184 m / 3,104 o droedfeddi.

Stephen Williams 07772 546820  ffôn/WhatsApp/tecst  llechid230271@gmail.com 

Mercher 6 Mai
O Gastell y Gwynt i Langadfan’  - Harddwch Cwm Nant yr Eira a mwynder Maldwyn
10.30
Y gilfan ar yr A458 yn Llangadfan lle mae’r gyffordd am yr B4395 (arwydd am Llanfyllin). Wedyn rhannu ceir i fynd i ben Cwm Nant yr Eira a man cychwyn y daith, Castell y Gwynt -  SH 94941 03287.

Cerdded ar hyd y ffordd am tua tair milltir a gwerthfawrogi harddwch y cwm. Mynd heibio Dol y Garreg Wen a anfarwolwyd gan Iorwerth Peate yn ei gerdd enwog  Mae tylluanod heno, yn Nôl y Garreg Wen. Yna ymlaen heibio Capel Beulah lle cawn glywed ychydig am hanes y cwm, a’r bygythiad i’w foddi yn y 1970au. Yna, ymlaen ar y ffordd hyd at y tro am fferm Dolwen, lle byddwn wedyn yn dilyn llwybr Glyndŵr yr holl ffordd i Langadfan. Bydd hyn yn cynnwys cerdded drwy gomin Pencoed, lle mae’n gallu bod yn wlyb dan draed mewn mannau.

Taith hamddenol o tua 11 km/6.5 milltir, tua 5 awr, yn cynnwys sawl arhosiad i glywed ychydig o’r hanes!

Os ydach chi am ymuno â’r daith, cysylltwch â Huw erbyn nos Lun 4 Mai os gwelwch yn dda.

Huw Jones     07974 795778

Sadwrn 9 – Sadwrn 16 Mai
Taith i Ullapool, Yr Alban

Mae’r daith hon yn llawn ond mae croeso i aelodau wneud eu trefniadau llety eu hunain ac ymuno â’r teithiau. Cysylltwch â Keith am ragor o fanylion.

Dydd Sadwrn 16 Mai – Taith Ardal Pen-bre a’r arfordir

Manylion i ddilyn

Meirion Jones       07790 015418      meirionanesta@hotmail.co.uk

Sadwrn 23 Mai (neu Sul 24 os ydi’r tywydd yn well)
Cefn y Ddraig, Diwrnod Un
02.45  03.00
Castell Conwy (Maes parcio Morfa Bach tu ôl i’r castell oddi ar Ffordd Llanrwst) SH 781 773.

Dilyn llwybr Diwrnod Un, Ras Cefn y Ddraig o Gonwy dros gopaon Mynydd y Dref, Tal y Fan, Foel Lwyd, Drum, Foel Fras, Carnedd Gwenllian, Foel Grach, Carnedd Llywelyn, Carnedd Dafydd, Pen yr Ole Wen, Tryfan, Y Glyderau, Crib Goch, Carnedd Ugain, Yr Wyddfa, Lliwedd, Gallt y Wenallt i Lyn Gwynant. Bydd cefnogaeth ar gael yn Ogwen a Phen y Pas.

Taith hir – 51 km/32 milltir ac esgyniad o 4,115 m/13,500 o droedfeddi, tuag 20 awr.

Bydd angen cysylltu â Dwynwen erbyn nos Fawrth, 19 Mai er mwyn gwneud trefniadau ceir a ballu.

Dwynwen Pennant     07720 057068 FFôn/Text/WhatsApp

Sadwrn 30 Mai
Daeareg a llysieueg Eryri
10.45
Canolfan Ogwen SH 651 603.

Taith hamddenol o gwmpas Cwm Idwal yn edrych yn benodol ar y Geomorpholeg, h.y. siap y tirlun a be greodd o a'r bywyd gwyllt. Taith addas i'r rhai sy'n dilyn cwrs Arweinydd Mynydd ac unrhyw un arall sydd eisiau ymuno.

Mae’n debygol y bydd hi’n brysur dros ben yn Ogwen, mi fasa’n syniad felly i aelodau ystyried dal y bws T10 sy’n gadael Bethesda am 10.27

Paula Roberts   07986 708815   paulajos@gmail.com  

Sadwrn 30 Mai (neu Sul 31 os ydi’r tywydd yn well)
Cefn y Ddraig, Diwrnod Dau
02.45  03.00
Llyn Gwynant (cilfan ar lan y llyn) - SH 647 518.

Dilyn llwybr Diwrnod Dau, Ras Cefn y Ddraig o Lyn Gwynant dros gopaon Cnicht a Moelwyn Mawr. Disgyn i Faentwrog cyn dringo nôl fyny i Lyn Traws a mynd am gopaon Moel y Gyrafolen, Diffwys, Foel Penolau, Moel yr Ysgyfarnogod, Rhinog Fawr, Rhinog Fach, Llethr a lawr i orffen ym Mhenmaenpool. Bydd cefnogaeth ar gael yn Maentwrog, Tyn Twll (Llyn Trawsfynydd) a Chwm Bychan.

Taith hir -53 km/33 milltir ac esgyniad o 3,414 m/11,200 o droedfeddi o ddringo, tuag 20 awr.

Bydd angen cysylltu â Dwynwen erbyn nos Fawrth, 26 Mai er mwyn gwneud trefniadau ceir a ballu.

Dwynwen Pennant    07720 057068 FFôn/Text/WhatsApp

Sadwrn 6 Mehefin
Copaon yr Eifl
09.00  09.15
Maes parcio pentref Trefor  SH 376 471 - parcio rhad ac am ddim/cyfleusterau ar gael.

Cychwyn ar hyd Llwybr yr Arfordir cyn dringo’n serth i gopa Garn Fôr. Ymlen wedyn i gopa’r Eifl ac yna Tre’r Ceiri. Lawr i’r lôn fawr a cherdded ar hyd honno am ychydig cyn ymuno â llwybr cyhoeddus ac yna lôn gefn Llanaelhaearn yn ôl i Drefor.

15 km/9.5 milltir ac esgyniad o 853 m/2,800 o droedfeddi.

Sioned Prys ac Anwen Jones    07756 553921   sionedprys78@gmail.com 

Sul 14 Mehefin
Moel Penamnen a’r Graig Ddu
09.15  09.30
Canol tref Blaenau Ffestiniog, ger y pistyll, o flaen Gwesty’r Queens. Maes Parcio Cyngor Gwynedd - codir tâl - canol y dref, neu digon o lefydd cyfagos.

Gan gychwyn o ganol y dref, cerdded i fyny’r chwarel drwy ddilyn llwybr 104 ac anelu am gwt inclen Rhiwbach rhif 3, yna troi tua’r gorllewin dros dir di-lwybr a chorsiog, ac esgyn i gopa Moel Penamnen.

O’r copa, i lawr dros ysgwydd ogleddol Penamnen tuag at Moel Fras ac ymlaen at Chwarel Cwt y Bugail. O’r chwarel, dilyn llwybr sy’n canlyn y ffens i gopa’r Graig Ddu. I lawr heibio llynnoed Dubach a chwarel Diffwys.

16 km/10 milltir ac esgyniad o 762 m/2,500 o droedfeddi.

Erwyn Jones     07717 287915       erwynj@aol.com

Mercher 17 Mehefin
Mynydd Rhiw, Llŷn
10.15 10.30
Cyfarfod ar waelod y Rhiw.  Cyf.grid SH 241285.  Troi i’r chwith i’r hen lôn wrth arwydd Treheli.

Taith o ryw chwe milltir a 300 m o ddringo graddol. Cyfle i weld Ffynnon Saint ac adfail hen Gapel Galltraeth.

Anet Thomas 07775 671319  anet311@btinternet.com

Sadwrn 20 Mehefin
Gogledd y Berwyn
09.15   09.30
Arosfan bws Parade Street, Llangollen, (ger yr amgueddfa) SJ 214 420, mewn da bryd i ddal bws T3 am 9.30 i Lidiart-y-Parc.

Dringo’n gyson drwy goedwig pîn ac yna tir agored i gopa Moel Fferna, wedyn dilyn llwybr Gogledd y Berwyn dros Mynydd Feifod yn ôl i Langollen.

16 km/10 milltir ac esgyniad o 550 m/1,800 o droedfeddi.

Dilys ac Aneurin Phillips   01492 650003    craflwyn2@gmail.com

Nos Fercher  24 Mehefin 
Sesiwn darganfod a defnyddio App OS Maps/Ar-lein
Cyfarfod ar-lein ar Teams
20.00

Cyfle i ddarganfod a dysgu mwy am ddefnyddio OS Maps ar-lein. Sesiwn anffurfiol yn edrych ar nodweddion y meddalwedd, sut i’w defnyddio a rhannu syniadau.

Arweinydd y cyfarfod – Dwynwen Pennant ond pawb i gyfrannu o’u profiaf a’u harbenigedd.

I ymuno, gyrrwch e-bost at Dwynwen a hefyd gyrrwch neges Text/WhatsApp i ddeud eich bod wedi gyrru e-bost (am bod  ei e-byst yn tueddu mynd i’r ffeil junk).

Er mwyn cael y budd gorau o’r sesiwn ymunwch ar gyfrifiadur yn hytrach na ffôn a mewngofnodwch ar eich cyfri OS Maps.

Dwynwen Pennant   07720 057068      djhereford@hotmail.com

Sadwrn 27-28 Mehefin     
Gwersylla yn y Rhinogydd
09.30  09.45
Maes parcio Graigddu Isaf ar ochr ddwyreiniol y Rhinogydd SH 684 30.
Gadael ceir yma a theithio mewn gyn lleied o geir â phosib i Lyn Tecwyn Isaf, man  cychwyn y daith.

Dilyn llwybr Taith Ardudwy i Fryn Cader Faner cyn dringo am gopa Foel Penolau. Ymlaen dros gopa Moel Ysgyfarnogod, Llyn Du, Llyn Corn Stwc a chopa Craig Ddrwg a lawr i Fwlch Gwilym. Dringo nôl fyny i gopa Craig Wion a gwersylla ger Llyn Pryfed.

Mae’r diwrnod cyntaf yn 11 km/7 milltir ac esgyniad o 823 m/2,700 o droedfeddi, tua 6 awr.

Bore dydd Sul, ar ôl codi pac, mynd i gyfeiriad Bwlch Tyddiad. O’r bwlch dringo am Lyn Du ac wedyn copa Rhinog Fawr. O’r copa disgyn i Fwlch Drws Ardudwy ac yn ôl i Greigddu Isaf. Mae’r ail ddiwrnod yn 10 km/6 milltir ac esgyniad o 549 m/1,800 o droedfeddi, tua 5 awr. Mae’r daith yn weddol fyr o ran pellter ond mae’n gerdded heriol gyda phaciau trwm dros dir garw a di-lwybr.

Os na fydd y tywydd yn ffafriol i wersylla, bydd taith un diwrnod ychydig yn fyrrach lle
byddwn yn gwneud yr un daith ond yn mynd yn syth yn ôl i Greigddu Isaf o Fwlch Tyddiad gan osgoi Rhinog Fawr. Taith o 17 km/10.5 milltir ac esgyniad o 1,006 m/ 3,300 o droedfeddi, tua 8-9 awr. Gall y daith fod ar dydd Sadwrn neu’r Sul yn ddibynnol ar y rhagolygon.

Dwynwen Pennant   07720 057068    Ffôn/Text/WhatsApp

Sadwrn 4 Gorffennaf
Moelfre, Diffwys a Llethr
8.45  9.00
Maes Parcio Talybont  SH 589 218.

Cyfarfod yn y maes parcio ger stâd Llwyn Ynn, Talybont a rhannu ceir i gychwyn y daith wrth ymyl Cors-y-Gedol.  Anelu am gopa Moelfre cyn disgyn i’r bwlch ac esgyn Moelyblithcwm i gopa’r Llethr. Dilyn Crib y Rhiw i gopa Diffwys cyn disgyn at Bont Sgethin a dilyn y llwybr yn ôl at y ceir.

Tuag 20 km/12 milltir o gerdded ac esgyniad o 1,000m/3,300 o droedfeddi.

Trystan Evans     07900 262453     trystanllwyd@outlook.com

Mercher 8 Gorffennaf
Corwen i Liberty Hall, Cynwyd ac yn ôl i Gorwen
10.15 10.30
Parcio yn y maes parcio SJ079435, angen talu ond mae digon a lefydd o amgylch.

O gerflun Owain Glyndŵr, dringo'n raddol drwy'r coed i fyny i Ben Pigyn. Yna, dal i ddringo, heibio Llyn Cawrddu i fyny Brynllus at Liberty Hall. Wedyn, cerdded trwy'r coed tuag at Cynwyd, ymlaen i Bryn Saint ac i Eglwys Llangar, (chwedl y Carw Gwyn). Yna, yn ôl i Gorwen.

Tua 8 milltir a 357 m o godi.  Tua 4 awr

Roger Hayward a Margiad Davies 07766 160675  rwlh1950@gmail.com 

Sadwrn 11 Gorffennaf
Crib Nantlle a Mynydd Mawr.
09.00  09.15
Sgwâr pentre’r Fron SH 509 549.

Cychwyn o’r sgwâr ac anelu am gopa Moel Tryfan cyn dringo’n serth i gopa Mynydd Mawr. Lawr at Lyn y Dywarchen a cherdded ar hyd ymyl y llyn a chanfod y llwybr sy’n arwain i gopa’r Garn. Dros gopa Mynydd Drws-y-coed ac ymlaen ar hyd Crib Nantlle i gopaon Trum y Ddysgl a Thal-y-mignedd. Cerdded lawr i waelod y dyffryn cyn esgyn yn ôl i bentre’r Fron.

24 km/13.5 milltir ac esgyniad o 1,350 m/4,429 o droedfeddi.

Matthew Williams    07376 014679  matt7399@gmail.com

Sadwrn 18 Gorffennaf
Esgair Felen, Glyder Fawr, Y Garn a’r Foel Goch
09.00  09.15
Maes Parcio Nant Peris   SH 607 581.

Cychwyn i fyny Cwm Padrig ac wedyn torri ar draws ac anelu am gopa Glyder Fawr dros Esgair Felen. Lawr wedyn i Lyn y Cŵn ac ymlaen dros y Garn a Foel Goch cyn disgyn yn ôl i Nant Peris. 

Paned neu beint yn y Faenol ar y diwedd.  
Tuag 16 km/10 milltir ac esgyniad o 1,363 m /4,473 o droedfeddi.

Iolo Roberts 07854 656351 Ioloroberts289@btinternet.com

Sadwrn 25 Gorffennaf
Allt Fawr, Moel Druman ac Ysgafell Wen
09.30
Maes parcio/cilfan ar frig Bwlch y Gorddinan   SH 702 489.

Cerdded am tua chanllath i gyfeiriad Blaena’ ar hyd yr A470 cyn ei chroesi ac anelu am gopa Allt Fawr. O’r copa, mae golygfeydd trawiadol o weddill Eryri. I lawr heibio Llyn Conglog cyn codi i gopa Moel Druman. I lawr unwaith eto rhyw fymryn, heibio llynnoedd Coch a Therfyn cyn esgyn i gopa Ysgafell Wen. Dychwelyd i’r man cychwyn ar hyd yr un llwybr ond yn osgoi ailddringo i gopa Allt Fawr! Taith hamddenol.

12 km/7 milltir ac esgyniad o 690 m /2,263 o droedfeddi.

Richard Roberts  07738 856174  llanrug1956@gmail.com

Mercher 5 Awst
Taith Eisteddfod y Garreg Las
09.15  09.30
Maes parcio wrth yr eglwys ym Mrynhenllan ger Croes Dinas SN 011394.

Bydd y daith yn gysmysgedd o Lwybr yr Arfordir, rhosdir ar lethrau Carn Ingli, coedwig bach a lonydd drwy’r caeau – yn cynnwys ymweliad â chaer Oes Haearn (Carn Ffoi), rhaeadr brydferth a thafarn ar y diwedd (ym Mhwll Gwaelod). Bydd dewis o ychwanegu 1.5 milltir a 142 m trwy dringo Pen Dinas ar y diwedd.

15 km/9 milltir o hyd ac esgyniad o 270 m /885 o droedfeddi.

Richard Mitchley    richard@dragontrails.com

Gwener 7 Awst
Darlith Eisteddfod Y Garreg Las
Pabell Cymdeithasau
14.00

Traumpfad – hanes rhyfeddol taith gerdded o München i Venezia. Un llwybr - dwy ddinas - tair gwlad.

Traddodir gan Dwynwen Pennant, Porthmadog.

Sadwrn 15 Awst
Dwy sir, dau lyn a saith copa
06.45  07.00
Maes parcio Pantdreiniog, Bethesda  SH623 668.

Ymuno â’r llwybr yng Nghae Cymru ac anelu am y gogledd-ddwyrain heibio Moel Faban a’r Gyrn cyn dringo’n serth i gopa’r Drosgl ac yna Bera Mawr. Cyfuchlinio Cwm Afon Goch i gopa Foel Fras ac yna lawr i Lyn Dulyn. Dringo i Felynllyn a dilyn y grib serth rhwng Craig Fawr a Chraig Dulyn i gopa Foel Grach. Lawr yn ôl i Fethesda heibio’r Aryg, Bera Bach a Gyrn Wigau.

27 km / 17 milltir ac esgyniad o 1,220 m / 4,000 o droedfeddi.

Stephen Williams   07772 546820  llechid230271@gmail.com 

Sadwrn 22 Awst
Pen Llithrig y Wrach a Pen yr Helgi Ddu
08.30  08.45
Maes parcio tu ôl i Siop Joe Brown, Capel Curig  SH 721 582.

Cerdded am tua hanner milltir ar hyd yr A5 cyn ymuno â’r llwybr cyhoeddus sy’n arwain at Lyn Cowlyd. Cerdded trwy’r rhostir at y llyn ac yna codi’n eitha serth i gopa Pen Llithrig y Wrach cyn disgyn i Fwlch y Tri Marchog. Dringo mwy graddol wedyn i gopa Pen yr Helgi Ddu. Cerdded lawr y Braich, croesi’r A5 ac ymuno a’r Llwybr Llechi i fynd yn ôl i’r maes parcio.

16 km/10 milltir ac esgyniad o 900 m/2,950 o droedfeddi.

Richard Roberts   07738 856174   llanrug1956@gmail.com

Sadwrn 21 Tachwedd
Cyfarfod Blynyddol a Cinio

Gwesty'r Royal Oak, Betws y Coed

CROESO I SYLWADAU AC I  SYNIADAU AM WEITHGAREDDAU
- A CHROESO ARBENNIG I GYNIGION I ARWAIN!

Ysgrifennydd gweithgareddau: Richard Roberts 07738 856174 llanrug1956@gmail.com
Cydlynydd teithiau’r de: Dewi Hughes 02920 891753 / 07909 930427 dewihughes1@btinternet.com
Cydlynydd dringo:Curon Davies 07848 863663 curond@gmail.com
Cydlynydd teithiau Mercher: Haf Meredydd 01766 780541 / 07483 857716 hmeredydd21@gmail.com

Manylion Pellach

Arweinwyr:
Cofiwch lenwi'r ffurflen cyswllt ar ddechrau'r daith / gweithgaredd.
Os oes darpar-aelodau ar un o’r teithiau, a wnaiff yr arweinydd yrru’r enwau, cyfeiriadau a chyfeiriadau e-bost at ymholiadau@clwbmynyddacymru.com
Pob Aelod:
Rhaid cysylltu â’r arweinydd er mwyn sicrhau lle ar daith.
Cofiwch gario eich cerdyn manylion ar bob taith.