Braemar a Mynyddoedd y Cairngorm, Chwefror 2007

Roedd y daith i'r Alban eleni yn hollol wahanol gan i mi hedfan efo Dylan, Alwen a Ceri o Lerpwl i Aberdeen gan logi car yno i'n cludo ymlaen i Braemar. Profiad gwahanol ond dewis amheus o ran arian a'r amgylchedd.

Roedd Alan wedi trefnu lle i 23 ohonom mewn bythynod pren cysurus a chyfleus ar dir y Braemar Lodge ar gwr y pentref. O'r diwrnod cyntaf roeddem wedi rhannu'n finteioedd bach ar gyfer ein teithiau a'r drefn yn newid o ddydd i ddydd. Ymunodd Dr Gwen a chriw'r awyren dros y pedwar diwrnod buom yn cerdded a chawsom gwmni Cen Penmachno, Meic, Rheinallt a Sam hefyd ar rai o'n teithiau; cawsom ambell gip ar rai o'r lleill yn diflannu o'n blaenau o dro i dro! Roedd ehangder y mynyddoedd eto'n drawiadol, yr unigedd ac olion hen bentrefi weithiau'n drist a'r bywyd gwyllt yn hynod. Synnais o ddarllen i'r wraig frodorol olaf i siarad Gaeleg yn Braemar farw dros ganrif yn ol; er gwaetha pawb a phopeth mae gennym le i ddiolch !

Diolch yn fawr iawn i Alan am drefnu unwaith eto.

Adroddiad gan Llew ap Gwent

Lluniau gan Llew ap Gwent ar Fflickr

Lluniau:

Diwrnod 1

  1. Cychwyn oer a chynnar yn Glen Muick (Glyn y Moch)
  2. Dylan ar Lochnagar - Cac Carn Beag yn y cefndir
  3. Dr Gwen yn cael hoe fach!
  4. Copa Cac Carn Beag 1155 m
  5. Copa Carn a Choire Bhoidheach 1110 m
  6. Mwynhau'r eira caled
  7. Taith hir at y ceir ar hyd glannau Loch Muick

Diwrnod 2

  1. Copa Carn a Gheoidh 974 m - roedd y GPS yn gysur
  2. Y gefnen yn arwain at Carn Aosda

Diwrnod 3

  1. Copa Glas Maol 1068 m
  2. Y ptarmigan yn reit ddof ..
  3. .. a'r 'sgwarnogod hefyd
  4. Ceri a 'sgwarnog wrth ei draed

Diwrnod 4

  1. Carn an Tuirc (1019 m) dan eira newydd
  2. Alwen a Ceri yn y gwynder mawr
  3. Copa Cairn of Glaise 1064 m
  4. Dau ptarmigan y tro hwn !
  5. Glen Calater, paned a dwy awr o gerdded at y ffordd

 

 

 

 

 

 


 

Diweddarwyd gan y gwefeistr:

10/15/15 11:03