Taith gylch yn ardal Dolwyddelan 13 Tachwedd

Ar fore braf a distaw daeth deunaw ohonom at ein gilydd i grwydro o amgylch ardal Dolwyddelan. Ar ôl cynhesu drwy gerdded yn weddol gyflym i fyny’r ffordd goedwig, dyma droi i esgyn y llwybr igam-ogam, ac aros am baned cyn cyrraedd y  bwlch ger Pen y Benar. Taith hamddenol wedyn i lawr yr allt tuag at Bertheos, lle gawsom ginio yn yr haul, gyda golygfeydd gwych o Foel Siabod, Y Glyderau a’r Wyddfa.

Croesi’r ffordd fawr, heibio gorsaf drên Blaenau Dolwyddelan ac ar hyd y ffordd tarmac nes troi i’r ffordd werdd wrth fferm Pen y Rhiw ac anelu yn ôl am y pentref heibio’r castell.

Ar y daith – Dafydd, Dilys. Aneurin, Tudor, Arwel, Haf, Gwyn, Anet, Gareth, Margiad, Iona, Richard, John Wms, John Parry, Raymond.  Hefyd, Eifiona a Siân (darpar aelodau).

Adroddiad gan Raymond Griffiths.

Lluniau gan Aneurin a Gwyn ar FLICKR