Dolwyddelan i Flaenau Ffestiniog
Cyfarfod am 9.30 i ddal bws rhif X1 am 9.50 o’r Blaenau i Ddolwyddelan.
Dilyn y llwybr ger Afon Bwlch y Groes sydd yn codi yn raddol i gopa Ro Wen (594 m). Cerdded ar hyd y ffridd heibio Bryn Hafod Fraith ac i Chwarel Cwt y Bugail. Ymlaen heibio Llyn Bowydd a disgyn i lawr yr inclein i chwarel Maenofferen. Cerdded drwy’r chwarel yn ôl i Blaenau.
Gellir dod ar draws darnau gwlyb yma ac acw.
Pellter: 12 km / 620 m o esgyn

Rhiannon a Clive James

Pont y Ddol
(capel ger llaw)
CG: SH 531 453

Cylchdaith Cwm Pennant
Cychwyn i fyny Cwm Llefrith am Foel yr Ogof a Moel Lefn ac yna i lawr am Fwlch y Ddwy Elor. Ymuno â Chrib Nantlle ger Trum y Ddysgl a dilyn y grib hyd at y Garnedd Goch cyn dod yn ôl i lawr i Gwm Pennant.
Taith o tua 12 milltir a rhyw 1300 medr o esgyn.
Map amlinellol o’r daith ar gael drwy e-bost pe dymunir.

Ger yr  gorsaf rheilffordd y Bermo

Dolgellau i’r Bermo – yng nghysgod y bryniau!
Dal bws am 9.45 i gyrraedd Dolgellau am 10.10.
Cerdded gydag afon Arran i gyfeiriad Bryn Mawr a thuag at Rhydwen ac ymlaen i Islaw’r-dref, yna gyda throed Pared y Cefn Hir (neu ar hyd y Pared ei hun) at Lynnau Cregennan ac i lawr i Arthog a thros y bont yn ôl i’r Bermo.
Tua 9 milltir a rhyw 380 m o esgyn.

Anet Thomas

Y Sgwâr tu ôl i’r Fox and Hounds
CG: SS 933 867

Taith Pedol Cwm Ogwr
Taith dros Melin Ifan Ddu, Cwm Ogwr,Darren y Dimbath, Craig Ogwr a Charn yr Hyrddod

Rhys Dafis

Llangernyw ar yr A548, 7 milltir o Lanrwst a rhyw 10 m o Abergele
Parcio: Ar iard yr hen ysgol sydd yng nghanol y pentre; troad wrth borth yr eglwys - i lawr yr allt (yr ysgol lle bu Syr Henry Jones, Margaret a Nia yn ddisgyblion!).
CG: SH 885 675

"Rhodio lle gynt y rhedwn", ardal Llangernyw
Dyma daith hamddenol yng nghefn gwlad Dyffryn Elwy.
Cerdded rhan o ffordd Rufeinig, ar lwybr y pererinion, pasio cartref awdur yr englyn 'Y Llwybr Troed' (J T JONES) gan ddychwelyd drwy goedwig Hafodunos.
Golygfeydd hyfryd i'w gweld ar y daith.
Bydd cyfle ar y diwedd i ymweld â'r ywen hynafol wrth yr eglwys.
Paned/peint a chacen yn Y Stag wedyn.
Hyd y daith: oddeutu 7.5 milltir

Cofiwch gysylltu â Margaret neu Nia os ydych yn bwriadu mynd ar y daith er mwyn Trefnu rhannu ceir

Margaret

Nia Wyn

Maes parcio Nant Peris
CG: SH 607 582

Sgramblo:  Llechog a’r Gyrn Las
Cerdded i gyfeiriad Cwm Glas Bach i sgrialu i fyny crib Llechog, sgramblo agored gradd 2/3 ar graig dda. Yna ymlaen i gopa Carnedd Ugain ar Grib y Ddysgl (copa’r Wyddfa hefyd?) ac i lawr dros Gyrn Las a chrib ddwyreiniol Cwm Glas Bach.
Tua 7 milltir a 950 medr o esgyn.

Gareth Wyn Griffiths

Penwythnos Llanymddyfri
Aros yn hostel The Level Crossing yn Llanymddyfri.
Taith gerdded a thaith feicio lôn ar y Sadwrn a theithiau mwy hamddenol ar y Sul.
Mae amrywiaeth o ystafelloedd ar gael ac mae’r pris o £48 y pen am ddwy noson yn cynnwys brecwast a gwelyau wedi eu paratoi’n barod.
Angen bod â’ch llieiniau eich hun.
Holl gyfleusterau arferol hostel o safon gan gynnwys ystafelloedd sychu.
Bwyd gyda'r nos i’w gael yn yr hostel a digon o ddewis yn y dre hefyd.
Dylai fod enwau a thâl fod wedi eu derbyn cyn 31 Gorffennaf ond os oes diddordeb gellid cysylltu â’r trefnydd rhag ofn bod llefydd ar gael.

Guto Evans

Castell Carndochan
Taith i Gastell Carndochan a adeiladwyd yn ôl y sôn gan naill ai Llywelyn Fawr neu Llywelyn Y Llyw Olaf.
Mi fydd Anita Daimond yn egluro gwaith ymchwil archeolegol a roddwyd ar y gweill yn ystod mis Medi 2015 gan Ymddiriedolaeth Archeolegol Gwynedd.
Am flas o'r gwaith a wnaed ar y safle yn ystod 2014 ewch i www.heneb.co.uk/wcarndochan.html
Hyd y daith: oddeutu 5 milltir / tua 4 awr

Richard Roberts

Maes parcio Bryn Glo, gyferbyn â Pont Cyfyng    CG: SH 572 734

Moel Siabod
Trwy'r hen chwarel, heibio i Lyn y Foel ac ar hyd braich y Ddaear Ddu i'r copa. Lawr trwy Goed Bryn Engan ac ar hyd lan Afon Llugwy yn ôl at y ceir.
Tua 7 milltir ac esgyniad o tua 730 m.

Iolo Roberts

Cyfarfod Blynyddol a Chinio Blynyddol
Gwesty'r Royal Oak, Betws y Coed

Yn ogystal â bod yn rhan hanfodol o drefniaeth y Clwb o ran penderfynu ar flaenoriaethau, ethol swyddogion a phwyllgor ac ati, mae hefyd yn ddigwyddiad cymdeithasol pwysig a braf iawn, yn gyfle i ymlacio a mwynhau yng nghwmni cyd-aelodau a chyfeillion.  

Iolo Roberts

Ger Tafarn y New Inn, Ystradfellte

Taith Ystradfellte
Cylchdaith dros y Fforest-Fawr yn cynnwys Fan-Gyhirych, Fan-Nedd, Fan-Dringarth, Cronfa Ystradfelle ac yn ôl i’r man cychwyn.
Taith o ryw 15 m ond yn bosib cwtogi os bydd rhaid.

Bruce Lane

O flaen y stesion ym Metws-y-coed.

Betws-y-coed
Taith hamddenol o rhyw 7 milltir am Pentre Du, Rhiwddolion, Pont Gethin ac yn ôl i Betws-y-coed.
Tua 5 awr.
Digon o ddewis am le i gael panad wedyn.

Diffwys a Llethr o Gwm Mynach
I fyny trwy'r gwaith mango i gopa'r Diffwys, dilyn Crib y Rhiw (Mynydd Gors) i gopa'r Llethr yna lawr at Fwlch Llyn Hywel, lawr at Lyn y Bi, chwarel Cefn Cam, Hafod y Brenin (Shanti) ac yn ôl trwy'r coed i Gwm Mynach.
Tua 750 m o ddringo a tua 9 milltir o hyd.

Crimpiau a’r Creigiau Gleision
Taith o rhyw 11- 12 milltir, gyda oddeutu 1000 m o godi tir i gyd. Bwriadu mynd tros y Crimpiau, Y Graig Wen i gopa Creigiau Gleision. Yna disgyn i lan Llyn Crafnant.
Penderfynu yn ôl amser/tywydd a hwyliau y criw, a awn yn ôl trwy ddringo y bwlch yn uniongyrchol i gyfeiriad Capel Curig, neu fynd tros ysgwydd Mynydd Deulyn a heibio Llyn Bychan yn ôl i Gapel Curig.

Gwyn Williams

Arfordir gogledd Sir Fôn

Cylchdaith: Porth Swtan, Mynydd y Garn, Trwyn y Gader, Ynys Fydlyn, Porth Swtan, 10 km.

Taith Ffordd y Bannau
a chinio CMC Cangen y De (yn y Bear, Crughywel)
Gyrru mewn llai o geir i Fwlch. Cerdded ar hyd Ffordd y Bannau ac yn ol i Grughywel. Un car yn mynd a'r gyrrwyr i nôl y ceir - y lleill yn mynd yn syth i'r Bear i brynu peints iddyn nhw!
Cysylltwch â Richard i gael mwy o wybodaeth am y cinio ac i archebu lle.

Richard Mitchley

Carnedd y Filiast ac Elidir Fawr
Taith bedol o amgylch Cronfa Ddŵr Marchlyn Mawr, tua 6-7 milltir a 630m o esgyn. Dringo Carnedd y Filiast a Mynydd Perfedd ac i lawr i Fwlch Marchlyn i gopa Carnedd y Filiast a lawr nôl dros Elidir Fach.

Elen Huws

Maes Parcio Pen-y-pas

Pedol yr Wyddfa,
Taith draddodiadol y clwb i ddathlu’r Calan o Ben-y-pas i gopa’r Wyddfa – dros y Grib Goch os bydd amgylchiadau’n caniatau neu dewis o lwybr haws.

Raymond

Wythnos yr Alban,
Canolfan Snowgoose, Corpach ger Fort William  -  £110 

Mae lle ar gyfer 14 ym myncws Blacksmiths a rhagor o le, pe byddai angen, mewn byncws arall ar yr un safle. Cewch fwy o wybodaeth am y Ganolfan ar www.highland-mountain-guides.co.uk.

Y bwriad yw cael cyfle i brofi mynydda gaeaf felly gobeithio y bydd y tywydd a'r amgylchiadau o'n plaid. Mae angen dillad ac offer pwrpasol ar gyfer yr adeg hon o'r flwyddyn yn yr Alban ac er bod angen profiad blaenorol o fynydda cyffredinol, mae taith y clwb yn cynnig cyfle i ymestyn profiad a datblygu sgiliau o ran mynydda gaeaf.

Angen y canlynol erbyn 1 Ionawr 2016:

Enw, Cyfeiriad, Rhif(au) Ffôn, cyfeiriad e-bost

Sieciau yn daladwy i 'Clwb Mynydda Cymru'

Maldwyn Roberts